‘अवतार २’ खिच्नु अघि क्वारेन्टाइनमा बसे निर्देशक जेम्स क्यामरुन

विश्वभर नै रुचाइएको चलचित्र ‘अवतार २’ को पुनः छायाङ्कन गरिने भएको छ । चलचित्रका निर्देशक जेम्स क्यामरुन र निर्माता जोन ल्यान्डौ आफ्नो महत्त्वाकाङ्क्षी परियोजना ‘अवतार २’ को छायाङ्कन पुनः सुरु गर्न न्युजिल्यान्ड पुगेका छन् ।

निर्देशक क्यामरुनले आफू न्युजिल्यान्ड पुगेको जानकारी दिँदै सरकारको निर्देशनअनुसार १४ दिन क्वारेनटाइनमा बस्ने ब ताएका छन् । फिल्मका निर्माता जोन लेन्डाउले क्यामरुनसँगको तस्बिर इन्स्टाग्राममा सार्वजनिक गर्दै आफूहरू क्वारेनटाइनमा बस्ने जानकारी गराएका हुन् ।

उनीहरूले लस एन्जलसबाटबाट १३ घण्टाको हवाई यात्रा गरेका थिए । सन् २००९ मा प्रदर्शनमा आएको साइन्स फिक्सन फिल्म ‘अवतार’को स्विकवेल उनीहरूले मे महिनामा नै सुरु गर्ने योजना बनाएका थिए ।

तर, विश्वभर फैलिएको कोरोना भाइरस (कोभिड-१९)ले गर्दा फिल्मको छायाङ्कन रोकिएको थियो । अवतारको चार संस्करण बन्ने योजना थियो । ‘अवतार’को स्विक्वेल सन् २०२१ मा प्रदर्शन गर्ने तयारी थियो । त्यस्तै फिल्मको तेस्रो संस्करण सन् २०२३ मा र चौथो सन् २०२५ मा रिलिज गर्ने तयारीमा टिम रहेको थियो ।

Written by 

Leave a Reply

Your email address will not be published. Required fields are marked *